👉බුද්ධාගම දියුණුද....👈

          වයසක ගෑහැණු කේනෙක් අපෙ ගේ ගාව ඉදල කියනවා,

"අපේ අවුරුද්ද අප්‍රේල් නෙවෙයි... මැයි මාසේ... වෙසක් කියන්නේ අපේ අවුරුද්ද"!!....

බලාගෙන යනකොට ඒ උපාසක අම්ම පන්සලේ ප්‍රධාන දායකයා.... 
සංසාරෙන් එතෙර වෙන්න ඔන්න මෙන්න ඉන්නේ... 
මස් මාළු කන්නෙත් නෑ, හාල් මැස්සො විතරයි කන්නේ....😈
කතා කලොත් ධර්මයෙන්මයි ටෝක් කරන්නේ... 

          පෝය දවසේ බලනකොට දඹුල්ල විහාරේ ගාව ලොතරැයි ගන්නවා, සිල් ගන්න ගමන්ද කොහෙද සුදු ඇදගෙන, දිනුම් ඇදිලද බලනවා...
අපේ අවුරුදු මැයි කියල කිව්ව හේතුව මට තේරුම් ගියා...
දන්සල් කන්ඩ වෙන්න ඇති.....😅

          පංසලේ හොඳම දායකයා හරි ප්‍රධානියා හරි වෙන්න ඕනි එකම සාධකය සල්ලී විතරයි. මොකද පංසලේ නතර වෙලා වැඩ කරන කෙනාට මිනිස්සු කියන්නේ ඇබිත්තයා කියල... ඌ කවදාවත් ප්‍රධාන දායකයා වෙන්නේ නෑ.. බලන්නකො ඒකෙත් හැටි.. 

             ඒ වගේම තමයි පන්සලක් හොඳටම දියුණුනම් (උපාසක අම්මලා කියන විදිහට ෂෝක් පංසල්) ඒකෙන් කියන්නේ ශාසනේ දියුණුයි කියල නෙවේ, හාමුදුරුවෝ හොඳ ව්‍යාපාරිකයෙක් කියල... ඇත්තටම පන්සලක මහන වෙලා භාවනා කරන විදිහ හරි, තමන් දන්න දේවල් හරි උගන්න උගන්න හිටියනම් හරි සිදුහත් කුමාරයා, තාම සත්‍යාවබෝධය හොය හොය සංසාරේ ගමන් කරන්න ඉඩ තිබ්බා..හැම දෙයක්ම අතහැරල, ඒ කියන්නේ දෙමාපියන්, අඹු දරුවන්, නෑදෑයන්, ඔක්කොම දාලා, අත්හැරලා ගිය නිසා සත්‍ය අවබෝධ උනා මිසක් ඔක්කොම එක්ක ගියානම් තාමත් සංසාරේ....

          ඒත් දැන් පන්සල්වල ඉන්න උත්තමයන් තමන්ට දියුණුවකුත්, දායක බෞද්ධයන්ට දියුණුවකුත් ලබා දෙන්නේ නෑ...හැබැයි පන්සලනම් දියුණු වෙනවා.... භෞතික දියුණුවක් බුදු දහමේ කියනවනම් ඒ මම දැකපු බුදු දහම නෙවේ... සමහරවිට මම වැරදි වෙන්න පුළුවන්... ඒත් දියුණුයි ලොකුයි කියන හැම පංසලකම තියෙන්නෙ ව්‍යාපාරයක් නෙවෙයිද ? පංසල දියුණු කරන එක වැරදි නෑ කියල "චේතනාහං භික්කවේ" කියන ගාථාව දාලා මට බනින්න පුළුවන් චේතනාව වැදගත් වෙන්නේ කියල, ඒත් අභ්‍යන්තර දියුණුවක් නැතුව කොහොමද භෞතික දේවලින් සැනසීම ලබා ගන්නේ......?

          උදාහරණයට දඹුල්ල පංසල ගත්තොත් ඒක හොඳටම තේරෙනවා. මටනම් දඹුල්ල පංසල පේන්නේ කණ්ඩලම හෝටලේ ශාඛාවක් වගේ... කණ්ඩලම හෝටලය කරන්නේ දඹුල්ලේ පංසලේ ලොකු හාමුදුරුවෝද කියලත් මට හිතෙනවා... දඹුල්ල පංසල ඇත්තටම බිස්නස් මතක් කරනවා, ඒකෙන් සැනසීම හරි නිවීම හරි පේනවනම් ඒක අන්ධ භක්තිය... හරියටම කිව්වොත් සේසතම විකුණලා දඹදිව යන උපාසකයෝ වගේ... නැත්නම් ගමේ මිනිහෙක්ට පොල් අත්තක් කපා ගන්න නොදෙන ඒත් දඹදිව ගිහින් හාමුදුරුවරුන්ට දානේ පූජා කරන පොල් වත්තක අයිතිකාරයෙක් වගේ..

          ඇත්තටම දැන් දඹුල්ල පංසලේ පෝසත් විදිහට හදලා තියෙන එකට(ගෝල්ඩන් ටෙම්පල්) අමතරව දඹුල්ල වලගම්බා පිරිවෙන කියල පංසලක් තියෙනවා. දඹුල්ල ඔය පංසල වටේ පංසල් 4ක් තියෙනවා. ඒත් ඒ පංසල් දියුණුද ? දඹුල්ලේ තියෙන සෝමවතිය දාගැබ ගැන දන්න අය ඉන්නේ කීයෙන් කී දෙනාද ? කොටින්ම වලගම්බා පිරිවෙනට යන ගල්ලෙන් තියෙන කැලෑ පාරත් පෝසත් පංසලෙන් වහලා දාල තියෙන්නේ කුණු දාල....
මමත් බෞද්ධයෙක්. බුදුදහමට අපහාස කරනවා නෙවෙයි මේ,...
😢😢😢😢😢😢😢😢😢😢😢😢😢😢

          දවසක් අපෙ ගෙදර ආව හාමුදුරු දෙනමක් තමා මේ ඉන්නේ... 

          මඩකලපුවේ වාලච්චේන ගමේ., කව්රුත් දානේ ගේන්නේ නෑලු, මුස්ලිම් දෙමළ අයලු ඉන්නෙත්,,, ඉතින් මෙයාල සියුරු පිරිකර අරන් දෙන්නලු. නැත්නම් ඒව ගන්න සල්ලි දෙන්නලු..(පිරිකර බිස්නස් එක ගැන මතක් උනත් කතා නොකර ඉන්නම්කො)... ඇත්තටම කතා බහ කරල විස්තර අහනකොට තේරුනේ කෑම ගෙනියන්න එහෙමත් නැත්නම් දානේ උයා පියා ගන්න බඩු ගෙනියන්න සල්ලි තමා මේ හොයන්නේ..... ඇත්තටම දුක හිතුනා... සමහර පංසල්වල සල්ලි පුරවගෙන වාහන අරගෙන බඩු ගහගෙන ඉන්න හාමුදුරුවරු අතරෙම මෙහෙම ගෙවල් ගානේ යමින් ජීවිතේ ගෙවන හාමුදුරුවරුත් ඉන්න එක ගැන... සමහරවිට සංසාරේ කරපු පව් ගෙවනවා ඇති මහන වෙලා...(දානේ හම්බෙන පංසලකට එන්න කිව්වාම ඒකට කැමතිත් නැති නිසයි එහෙම කිව්වේ)

          දඹුල්ල පංසලේ හම්බෙන මේ ආදායමින් බැරිද ඇත්තටම මේ වගේ පංසල් රැක ගන්න ? බුද්ධ ශාසන කටයුතු අමත්‍යංශයක් තියෙනවනේ... දඹුල්ල විතරක් නෙවේ දළදා මාළිගාවත් බිස්නස් එකක්නේ, සල්ලි හොයනවනේ.... මම පව් කාරයෙක් කියල හිතෙයි. ඒත් බුදු හාමුදුරුවෝ හිටියනම් එතුමත් මෙහෙම කියයි... බුදුදහම දහමේ තියෙන්නෙ තමන්ගේ නිවීම.... තමන්ගේ අත්හැරීම.... තමන් සංසාරෙන් එතෙර වෙන එක.... එහෙම නැතුව අල්ලාහ් වගේ ආගම පතුරන එක නෙවෙ. රහතුන් වහන්සේලාට බුදු දහම අල්ලාහ් කිව්වා වගේ පතුරවන්න කියල බුදු හාමුදුරුවෝ කියල නෑනේ. අපේකම හරි ජාතික හැගීම හරි ඒ වගේ අනුසෝතගාමී දේවල් ආවෙ බුදු දහම එක්ක නෙවෙ. ඒක මතක තියා ගන්න. බුදු දහම පටිසෝතගාමී දහමක්...පංසලේ බේබදු ගනයෙක්, කට්ටඩි ගනයෙක්, බිස්නස් ගනයෙක්, ගල් කාරයෙක්, කොල්ලො කාරයෙක් වගේ වයිවාරණ හාමුදුරුවරු දැකලා තියෙනවා මම....  ඇත්තටම මටනම් සංසාරෙන් එතෙර වෙන්න බැරි වෙයි පංසලකට ගිහින්... 😈

          ඒ වගේම මම දැකලා තියෙනවා රිවස්ටන් කන්දේ කැලේ ඉන්න හාමුදුරුවරු....🙏🙏🙏 ඒ වගේ කැලෑවල වාසය කරන හාමුදුරුවරු කීප දෙනෙක් එක්ක කතා කරලා තියෙනවා... ඇත්තටම බුදු දහම අතහැරල යන්න බැරි ඒකයි තාම.. මොකද මම දැකපු අත්දැකපු ආගම් වලින් හොඳම නිවීම තියෙන්නෙ බුදු දහමේ විතරයි...🌸🌸🌸

කාලේකට කලින් ලියපු එකක්...