👉හැමදේම වෙන්නේ මටමයි.....👈

     ලෝකය ගෝලාකරයි මගේ මිත්‍රයා....

හොදම දේ ඒ ගෝලාකාර වස්තුව, කැරකෙන එක.

ලෝකය කැරකෙන එක....කැරකෙන ඒ ලෝකේ හොදම දේ හොදම වෙලාවට වෙයි කියල මට විශ්වාසයි. 
චුම්බකයක් උනත් ඇදිලා යන්නේ බලය වැඩි දිසාවටනම්, හොදම දේ ලැබෙන තැනට ඕනෙම දෙයක් ආකර්ෂණය වෙනවා මගේ මිත්‍රයා...භ්‍රමණය වෙමින් පරිභ්‍රමණය වෙන ලෝකේ වාසි පැත්තටම විතරයි කැරකෙන්නේ. 

කියලා මගේ යාළුවෙක් කීවා...

          ඒත් ඒක ටිකක් වැරදි. ලෝකය කැරකෙන්නෙත් නෑ... ගෝලාකාරත් නෑ... හැබැයි හැමදේම හොඳම වෙලාවට හොඳම විදිහට වෙනවා කියලනම් මම දන්නවා... වාසනාව ලඟට එන්නෙ නෑ අපි වාසනාව ලඟට යන්නම ඕනි. වැටුන දිවුල් ගෙඩියක් උනත් ලඟටම රෝල් වෙන්නේ නෑ  වගේම තමයිවාසනාව අපි ගාවටම එන එකත් හොද දෙයක් නෙවෙයි. හිතන්නකො දිවුල් ගෙඩියක් ඔළුවට වැටුනොත්..... වාසනාවන්තයෝ ජීවත් වෙනවා....

           නමුත් හැමෝම එක විදිහ නෙවෙයි. ලෝකය විශාලයි... අනුසෝතගාමී මිනිස්සු ජීවත් වෙනවා... ලෝකේ ගමන් කරන දිශාවට, සුළං හමන දිශාවට, ගංඟාව ගලන දිශාවට, යමින්......
ඒ වගේම පටිසෝතගාමී මිනිස්සුත් ජීවත් වෙනවා... ලෝකේ ගමන් කරන දිශාවට, සුළං හමන දිශාවට, ගංඟාව ගලන දිශාවට, ප්‍රති විරුද්ධව....
           පටිසෝතගාමී අයව අනිත් අයට පේන්නේ පිස්සෝ, උම්මත්තකයො විදිහට.... මක් නිසාද යත්... පටිසෝතගාමී මිනිසුන් සුදු කැස්බෑවන් වගේ විරලයි. මොකද ලෝකයට විශිෂ්ඨයන් අවශ්‍ය කීප දෙනයි.....
          මං මගේ ඇස් දෙකෙන් දැකල තියෙනවා, පසලොස්වක හඳකට කලින් අමාවක දවසක් එනවා කියල.......

ඒ නිසාම මම දන්නවා පසලොස්වක කියන්නෙ අවසානය නෙවෙයි කියල... අමාවක දවසකුත් තිබිය යුතුමයි... 
    
         එහෙනම් මිනිස්සුන්ගේ කෲරකම් වලින් දුක් වෙන එක අසාධාරණයි නේද.....

        1973 වසරේ ඔක්තෝබර් මාසෙ 17 වෙනිදා දොස්තරලගෙ පැය 73 ක මහන්සියෙක්, ඒ කියන්නෙ දවස් 2කට වඩා වෙලාවක් ගිහින් ළමයෙක් මෙලොව එලිය දකිනවා.. ඉපදෙනකොට අම්මාට වයස අවුරුදු 17යි....

ළමයගෙ නම Marshall Bruce mathers....

         ළමයාට අකමැත්තෙන් තාත්තා අම්මව දාලා යනවා...අද වෙනතුරු ඔහුට ඔහුගේ තාත්තව හමුවී නෑ.. අම්මා මත්ද්‍රව්‍ය  ඇබ්බැහිය සහ සූදු කෙලීම නිසා අම්මගෙ ආදරේ ලැබෙන්නෙත් නෑ.. ඉගෙනීමට අසමත්කම නිසා 9 ශ්‍රෙණියේ වසර 3 ක් එකදිගට ඉන්නවා... සුදු ජාතිකයෙක් නිසාත් පවුල් පසුබිම නිසාත් පාසලේදි කොන්වෙනවා...

             පාසල් කාලයේදි ආරම්භ කරපු ආදරය සමග විවාහ වෙනවා..1995/12/25 දින දී දෙදෙනාට දියණියක් ලැබෙනවා... (Hailie Jade Mathers) දවසක් මාශල් දකිනවා එයාගෙ බිරිද සමාජ ශාලාවක් ඉදිරිපස වෙනත් පුද්ගලයෙක් එක්ක ඉන්නවා... කේන්තියත් එක්ක මාශල් ඒ පුද්ගලයට තුවක්කුව දිගු කරනවා.. ඒත් වෙඩිතියන්නෙ නෑ... නමුත් තමුන්ගෙ බිරිද විසින්ම එයාට නඩුවක් වැටෙනවා... මිනීමැරුම් තැත්කිරීමේ චෝදනාවකට.... නඩුවෙන් පරාදවෙනවා.... හිරේ යනව.... නිවාස අඩස්සියට ලක්වෙනවා... වන්දියක් ගෙවන්න වෙනවා... බිරිද එයාව දික්කසාද කරනවා... තමන්ගෙ දුව හමුවෙන එක මාශල්ට අධිකරණයෙන් තහනම් කරනවා.... මානසික ආතතියට පත්වෙනවා.. 

       හිපොප් ක්ශේත්‍රයේ ඔහුගේ ඇල්බම් ගොඩක් හොදින් අලෙවි වෙනවා.. ඔහුගේ හැගීම්, සිතුවිලි සියල්ල ඔහු ගීත බවට පත්කරනවා... නමුත් බිරිදගේ වෙන්වීම, තමන්ගෙ දුවව තමන්ගෙන් වෙන්වීම ගොඩක් හිතට වද දෙනවා.

       මත්ද්‍රව්‍ය  සහ මත් පෙති වලට ඇබ්බැහි වෙනවා..

             මත් පෙති අධි මාත්‍රාවෙන් භාවිතා කිරීම නිසාත්, සතියක් එක දිගට නිදි නැතුව අවදිව සිටීම නිසාත් මොහු දවසක් යාලුවන්ට මොහුගේ කාමරයේ වැටී සිටීමෙන් පසුව හමුවනවා.... රෝහල් ගතවන විට මාශල් අසාධ්‍ය තත්වයේ.. පැය 9ක දොස්තරලගෙ කැපවීමෙන් මාශල්ට ජීවිතය ලැබෙනවා... දොස්තරලා කියනවා... තව පැය දෙකක් පරක්කු උනානම් සමහරවිට ජීවිතය නැතිවෙනවා කියලා.... ඔහු අවදිවනවිට ඔහුගෙ කකුල් දෙකට පණ නෑ... මාසයක ප්‍රතිකාර වලින් පසු ඔහුට සුව වෙනවා....

      ඔහු කියනවා..., තමන් මත්ද්‍රව්‍ය  භාවිතා කලත් තමන්ට සියදිවි නසාගන්න උවමනාවක් තිබුනෙ නෑ කියලා... ඔහු සතියක් එක දිගට නිදාගන්නැතුව මත්පෙති භාවිතා කරමින් කරලා තිබුණේ සින්දු ලියපු එක.. සුව උනාට පස්සෙ ඔහු ඒ ලියපු සින්දු ඔක්කොම වලින් ඇල්බම් එකක් නිකුත් කරනවා....  ලෝකය පුරා වාරථා තබමින් ඉතාමත් වේගයෙන් ඇල්බමය අලෙවි වනවා.. (ලෝකයේ වේගයෙන්ම අලෙවි වූ හිපොප් ඇල්බමය)

        සුව උනාට පස්සෙ ඔහු නැවතත් දික්කසාද කල පැරණි බිරිදව නැවතත් විවාහ කරගන්නවා... එවිට ඇයට වෙනත් දියණියක් සිටිනවා... දියණියන් දෙදෙනාම සමග  ඔහු කල් ගෙව්වත් බිරිද ඔහුව නැවතත් දික්කසාද කරනවා... නැවතත් මොහු තනිවෙනවා.. නමුත් මෙවර ඔහු මත්පෙති වලට යොමුවන්නේ නෑ... 

තමන් හිපොප් වලට එන්න මගපෙන්වපු හොදම යාලුවා අවාසනාවන්ත විදිහට මියයනවා.. මොහුට සිටින හොදම යාළුවත් නැතිවෙනවා.. (Proof)

       මොහුගේ ඇල්බම් වල පොඩි කාලෙදි මවගෙන් වුණ හිරිහැර ගැන ගීත තියෙනවා...  ළමයෙකුට පොඩිකාලෙ වෙන්න පුළුවන් කරදර ගැන ගීත තියෙනවා... ඔහුගේ මව මොහුට විරුද්ධව ඒ සම්බන්ධයෙන් නඩුවක් දමනවා... 

නඩුව මොහු පරදිනවා.. ඩොලර් 1000කට අධික මුදලක් මොහුට වන්දි වශයෙන් ගෙවන්න සිදුවෙනවා... 💵💵💵💵

      තාත්තත් නැතිව, අම්මාත් නැතිව, බිරිදත් නැතිව, දුවත් නැතිව, තමන්ගෙ හොදම යාලුවත් නැතිව ජීවත් උනත් මොහු ඒත් නැවත මත්ද්‍රව්‍ය  වලට යොමුවෙන්නෙ නෑ.. මොහු සංගීත ක්ෂේත්‍රයට සමුදෙනවා.. ජනප්‍රියත්වයේ උඩටම ගිහින් ඉන්න වෙලාවක, ලෝකෙම ප්‍රසාදය දිනාගත්ත වෙලාවක... මොහු අතුරුදහන් වෙනවා... ලෝකෙ පුරා සංගීත සංචාර තියන්න පුලුවන්කම තියෙද්දි වසර 4ක් හොයාගන්න බැරිවෙන්නම මොහු නිශ්ශබ්ද වෙනවා.. වසර 4කට පසු නැවතත් මොහු ඇල්බම් එකක් නිකුත් කරනවා...💥💥

          නැවතත් වාර්තා තබමින් ඇල්බමය ලොව පුරා සීග්‍ර‍යෙන් අලෙවි වෙනවා... එදා සිට අද වෙනතුරු මොහු මත්ද්‍රව්‍ය  වලට පෙළබෙන්නෙ නෑ..

        අද වනතුරු ඔහුට බිරිදක් නෑ... ඔහුගේ මව ඔහුට හමුවන්නේ නෑ... ඔහුගේ පියා ඔහු තවමත් දැකලා නෑ... ඔහුට හොදම යහලුවෙක් නෑ... ඔහුගේ දියණිය ඔහු ලග නෑ... ඔහු තනියෙන්... 

නමුත් ඔහු....

සියදිවි නසාගත්තෙ නෑ...

අදවෙනකොට....

           ඔහු සම්මාන 570ක හිමිකරුවෙක්... ඔස්කා සම්මානයක හිමිකරුවෙක්... ඇල්බම් 19ක නිෂ්පාදකයෙක්... 90 දශකයේ සිට අදවෙනතුරු හිපොප් කලාවේ විශේෂ පුද්ගලයෙක්... ලොව පුරා සංගීත ප්‍රසංග පවත්වනවා... ලෝකයේ සිටින වඩාත් සාර්ථකම හිපොප් රැප් ගායකයා...🎤

Eminem...

ඉතින් මට අහන්න තියෙන්නෙ?

ඔයාට ඔයාගෙ ජීවිතේ දෙයක් කරන්න බෑ කියලා ඔයා හිතනවනම් ?

ඔයාට දැනෙන දුක කාටවත් තේරෙන්නෑ කියලා හිතනවනම් ?

ඔයාට වෙච්ච දේ කාටවත් වෙලා නෑ කියලා දුක් වෙනවනම් ?

ඒ නිසා ඔයාට සියදිවි නසාගන්න හිතුනොත් ?

ඒ නිසා ඔයාට මැරෙන්න හිතුනොත් ?

එහෙම කරගන්න.. 😈😈😈

ඒත්...... ඔයාට මීට වඩා දේවල් වෙලා තියෙනවද ?👆👆👆

මටමයි වෙන්නේ, හැම දේම වෙන්නේ මටමයි, හැමෝම මටම වෙනස්කම් කරනව කියලා මට කෙනෙක් කීවා... මගේම සහෝදරියක් විදියට හිතන සළකන, හිතින් පට්ටෙටම ආදරේ කරන කෙල්ලෙක්... එයා නිරෝ... මම ආදරේට කියන්නේ නිරෝ කියලා..💖 එයාට කියන්නයි ඕනි උනේ මට මේක.....  තව අවුරුදු කීපයකින් ගුරුවරියක් වෙන්න පෙරුම් පුරන,....,
        නිරෝ.....! ඔයාට මොනවද නැත්තේ......!💪💪💪